Боловсрол, соёл урлагийн газрын 60 жилийн ойг тэмдэглэлээ
ОРОН НУТГИЙН МЭДЭЭ | БУЛГАНБулган /МОНЦАМЭ/ Булган аймагт аймгийн Боловсрол, соёл урлагийн газар байгуулагдсаны 60 жилийн ой, Монголын багш нарын 53 дахь баярын өдрийг өнгөрсөн амралтын өдрүүдэд тэмдэглэлээ.
"Боловсрол-60" урлагийн болон спортын наадам, "Соёлын довтолгоо" аялан тоглолт, "Уран бичвэр"-ийн анхдугаар тэмцээн, "Байгууллагын менежмент-Багшийн хөгжил- Сургалтын чанар", "Соёлын салбарын хөгжил" сэдэвт эрдэм шинжилгээний бага хурал зохион байгуулсан байна.
Баярын үеэр аймгийн Боловсролын салбарын 2019 оны шилдгүүдийг тодрууллаа. Булган сумын 1-р сургуулийн номын санч
М.Алтантуяа “Шилдэг ажилтан”, Хутаг-Өндөр сумын сургуулийн монгол хэл, уран зохиолын багш Э.Ариунтунгалаг “Шилдэг багш”, Сайхан сумын сургуулийн захирал
О.Болормаа “Шилдэг удирдах ажилтан”-аар шалгарсан
байна. Булган сумын 2 дугаар цэцэрлэг Улсын тэргүүний
цэцэрлэг, тус цэцэрлэгийн хөгжмийн багш Т.Уранбайгаль “Хонхон чимээ” сургалтын
хөтөлбөрөөр улсын тэргүүний багшаар шалгарсан байна.