Бөхмөрөн суманд тэрбум төгрөгийн хөрөнгө оруулалт хийлээ
ОРОН НУТГИЙН МЭДЭЭ | УВСУвс /МОНЦАМЭ/. Юнител компанийн зүгээс нийгмийн хариуцлагынхаа хүрээнд Бөхмөрөн суманд нэг тэрбум төгрөгийн хөрөнгө оруулалтын ажил хийсэн байна.
Тодруулбал, Бөхмөрөн
сумын төв
буюу Байшинт багт Юнителийн 4G, 2G-н тоног төхөөрөмж, Гурван жигэртэй багт
2G дахин дамжуулах төхөөрөмж, Хар-Алтат багт 4G, 2G дахин дамжуулах төхөөрөмж
тус тус суурилуулж, өнгөрсөн сарын 28-нд ашиглалтад хүлээлгэн өгчээ. Ингэснээр тус сумын
хэмжээнд Юнителийн үүрэн холбоогоор аль ч багийн малчид, иргэдтэй саадгүй
холбоо барих боломж бүрдсэн байна. Ийнхүү
гурван багт дахин дамжуулах төхөөрөмж суурилуулснаар иргэд хоорондоо чөлөөтэй
ярьж, ажил төрлөө шуурхай амжуулах боломж бүрдсэнд Бөхмөрөнчүүд баяртай байна.