Дундговийн нутгаар бороо оров
ОРОН НУТГИЙН МЭДЭЭ | ДУНДГОВЬӨнөө өглөө 6 цаг орчмоос эхлэн Дундговь аймгийн ихэнх сумын нутгаар хур бороо орлоо.
Хур тунадас Сайхан- Овоо сумын нутгаас эхэлж, Луус, Дэрэн, Дэлгэрхангай, Өлзийт, Хулд, Цагаандэлгэр сум болон Мандалговь хот орчмоор 0.8- 2.0 мм орсныг УЦУОШ- ний газраас мэдээллээ.
Агаарын температур буурсан тул одоо борооны араас нойтон цас болон орж байна. Хур тунадас өнөө, маргаашдаа үргэлжлэх бөгөөд ойрын 2 хоногтоо агаарын температур буурч, дөрөвдүгээр сарын 3- наас эргэж дулаарах төлөвтэй байгаа ажээ.
Хур тунадастай өдрүүдэд салхи секундэд 12- 14 м байхыг УЦУОШ- ний газрын мэдээнд дурьдсан байна.
Т. Отгонтуяа