Хөвсгөл нуурын их тахилга болно

Орон нутагт | Хөвсгөл
gantuyaB@montsame.mn
2019-06-06 17:09:57

Хөвсгөл /МОНЦАМЭ/. Хөвсгөл аймгийн ИТХ, ЗДТГ, Мөрөнгийн хүрээ Гандандаржайлан хийд хамтран зуны дунд сарын шинийн 14-ний билэгт сайн өдөр буюу энэ сарын 16-нд Хөвсгөл нуурын их тахилгыг хийнэ 

Их тахилгад Мөрөнгийн хүрээний болон Улаанбаатар хотоос лам хуврагууд хүрэлцэн ирж лусын номнуудыг уншиж, сэржим өргөн даллага авч Далай ээждээ хүндэтгэл үзүүлэн хамтдаа залбирах аж. 

Сүүлийн жилүүдэд Хөвсгөл далайд лам хуврагууд сан тавьж ном уншиж байсан боловч энэ жилийн хувьд эрт дээр үеийн Хөвсгөл далайг тахьдаг байсан хуучны дэг ёсыг сэргээж анх удаа аймаг орон нутгийн удирдлагууд, УИХ-ын гишүүд, Хөвсгөл нутгаас гаралтай төрийн түшээд, урлаг соёлын алдартнууд хамтарч их тахилга үйлдэхээрээ онцлогМөн энэ үеэр эрийн 3 наадам зохион байгуулна” гэдгийг Мөрөнгийн хүрээ Гандандаржайлан хийдийн Ловон лам М.Мөнхбат хэлж байна. 

Иргэд сүсэгтэн олон их тахилгад хүрэлцэн ирснээр цэнгэг тунгалаг, ариун тансагаараа хойчийн үедээ өвлөгдөн ирсэн байгаль дэлхийн ариун дагшин бүтээл Хөвсгөл далайгаасаа эрч хүч авч, буянаа арвижуулан номын дуунд даган баясах боломжтой ажээ.

 

Холбоотой мэдээ