Улаанбаатар
Энэтхэгийн эрх баригч нам сонгуулийн үйл явцыг хүндэтгэхийг уриалжээ
ДЭЛХИЙН МЭДЭЭ | УЛС ТӨР
ШИНЭ ДЕЛИ. /CNN/. Энэтхэгийн бүх нийтийн сонгуулийн үйл явцыг хүндэтгэхийг тус улсын эрх баригч "Бхаратия Жаната" нам сөрөг хүчний намууддаа хандан уриалсан байна.
Сөрөг хүчний намуудын хувьд сонгогчдын дунд явуулсан санал асуулгын дүнг
эсэргүүцэхийн зэрэгцээ саналын хуудсыг тоолох явцтай холбоотой асуудлуудыг дэвшүүлж байгаа ажээ. Мягмар гарагт нийгмийн сүлжээнд тархсан дүрс бичлэгүүдээс үзэхэд санал
тоологч машинуудыг өөрчилж байжээ.
“Хэрэв эрх баригч нам ялалт байгуулвал санал тоолох машинууд ажлаа сайн
хийжээ гэсэн үг” хэмээн сөрөг хүчнийхэн мэдэгдэж, саналын хуудсыг тоолох явцыг
ил тод болгохыг уриалсан байна. Харин эрх баригч намын төлөөлөгчид уг
мэдээллийг үгүйсгэж, ялагдлаа боловсноор хүлээн зөвшөөрөхийг хүсжээ.
Сонгогчдыг саналаа өгсний дараа явуулсан дөрвөн санал асуулгын дүнгээс харахад, “Бхаратия Жаната” нам 280-315 суудал авсан байх магадлалтай байгаа нь гол өрсөлдөгч Конгресс намынхаас илт давуу үзүүлэлт болсон юм.
Долоон үе шаттайгаар явуулсан бүх нийтийн сонгуулийн санал хураалтын дүнг энэ долоо хоногийн пүрэв гарагт олон нийтэд танилцуулна. Энэтхэгийн хууль тогтоомжийн дагуу аливаа нам эвсэл Засгийн газрыг байгуулахын тулд 272 суудлыг авсан байх шаардлагатай.
