Улаанбаатар
Донбассын иргэдийн дийлэнх нь ОХУ-ын иргэн болохыг хүсэж байна
ДЭЛХИЙН МЭДЭЭ | НИЙГЭМ
ДОНЫН РОСТОВ. /TASS/. Өөрийгөө зарлан тунхагласан Бүгд Найрамдах Донецк Ард Улс болон Бүгд Найрамдах Луганск Ард Улсын иргэдийн дийлэнх нь ОХУ-ын иргэн болохыг хүсэж байгааг судалгааны дүн харуулжээ. Энэ тухай ОХУ-ын Дотоод хэргийн яамны Цагаачлалын асуудал хариуцсан удирдах газрын төлөөлөгч Кирилл Азинов сэтгүүлчдэд мэдээлсэн байна.
“Бүгд Найрамдах улсуудын иргэдийн дунд санал асуулга явуулахад 86 хувь нь Оросын иргэншил авах хүсэлтэй байгаагаа илэрхийлсэн” гэж тэрбээр хэллээ.
ОХУ-ын иргэншил олгох тухай хүсэлтийг Ростов мужийн нутаг дэвсгэрт хүлээн авч, шийдэх аж.
