Конго дахь “Эбола” вирусийн тархалт түүхэнд хоёрдугаарт бичигдэх хэмжээнд хүрчээ
ДЭЛХИЙН МЭДЭЭ | ЭРҮҮЛ МЭНДКИНШАСА. /Xinhua/. Бүгд Найрамдах
Конго Улсад дэгдсэн “Эбола” вирусийн тархалт 2014-2016 онд Баруун Африкт дэгдэж
байсан уг халдварын тархалтын араас бичигдэх хэмжээнд хүрсэн тухай
НҮБ-ын хэвлэлийн албаны төлөөлөгч Стефан Дюжаррик мэдээлэв.
Дэлхийн эрүүл мэндийн байгууллагын мэдээлснээр, Конгод “Эбола” вирусийн халдварын 689 тохиолдол бүртгэгдсэнээс 461 хүн нас барсан ажээ.
Баруун Африкийн орнуудаас 2013 оны 12 дугаар сард Гвинейд “Эбола” вирусийн халдварын
анхны тохиолдол бүртгэгдэж, түүнээс хойш тус улстай хил залгаа оршдог Либери,
Сиерра-Леонд тархсан юм. Үүгээр ч зогсохгүй Итали, Мали, Нигери, Сенегал, Испани,
Их Британи, АНУ-д хүртэл уг вирусийн халдвар илэрч байсан билээ.
2014-2016 онд нийт 28616 хүн "Эбола" вирусийн халдвар авснаас 11310 нь нас
барсан гэж ДЭМБ-ын тайланд мэдээлжээ.