Улаанбаатар
Мексикийн хотын даргыг буудан хөнөөсөн хэрэг гарчээ
ДЭЛХИЙН МЭДЭЭ | НИЙГЭМ
МОСКВА. /РИА
Новости/. Мексикийн Оахака мужийн Эройка-Сьюдад-де-Тлахьяко хотын дарга Алехандро Апарисиог албан тушаалаа авснаас хойш нэг цагийн дараа түүнийг буудсан хэрэг өнгөрсөн мягмар гарагт гарсан тухай мужийн Ерөнхий прокурорын
газар мэдэгджээ.
Хотын шинэ даргыг даруй эмнэлэгт хүргэсэн хэдий ч шаархаа даалгүй нас барсан байна. Энэ хэргийн улмаас өөр 4 хүн бэртэж гэмтжээ. Бэртэж гэмтсэн нэг хүний биеийн байдал тун хүнд байгаа гэнэ.
Хотын даргыг хөнөөсөн хэргийг мөрдөн шалгах ажиллагааг эхлүүлсэн бөгөөд
одоогийн байдлаар нэг сэжигтнийг баривчлан саатуулаад байгаа аж. Энэ хэрэгтэй
холбогдуулан Оахака мужийн амбан захирагч Алехандро Мурат амиа алдсан хотын
даргын гэр бүлийнхэн хийгээд хотын оршин суугчдад эмгэнэл илэрхийлсэн байна.
