Улаанбаатар
АНЭУ Сирид Элчин сайдын яамаа дахин нээнэ
ДЭЛХИЙН МЭДЭЭ | УЛС ТӨР
ДУБАЙ. /CNN/. Сирид Элчин сайдын яамыг долоон жилийн дараа дахин нээхээр
боллоо гэж Арабын Нэгдсэн Эмирт Улсын /АНЭУ/ Засгийн газраас пүрэв
гарагт мэдээлэв.
Сирид 400 мянга гаруй хүний амийг авч одсон иргэний дайн 2011 онд эхэлснээс
хойш тус улсын нийслэл Дамаск хот дахь АНЭУ-ын Элчин сайдын яам үйл ажиллагаагаа зогсоосон юм.
“Элчин сайдын яамыг дахин нээх шийдвэрийг гаргасан боловч Элчин сайдыг ойрын
хугацаанд томилохгүй” гэж АНЭУ-ын Засгийн газрын төлөөлөгч телевизийн “CNN” сувагт мэдээлсэн байна.
“Энэхүү шийдвэр нь хоёр улсын харилцааг сэргээх зорилготой юм” гэж АНЭУ-ын “WAM” агентлаг Гадаад хэрэг болон Олон улсын хамтын
ажиллагааны яамны мэдээлснийг иш татан уламжлав. Мөн Сирид аюулгүй, тогтвортой
байдал дахин цогцлохыг тэсэн ядан хүлээж байна гэж дээрх мэдээнд тэмдэглэсэн байжээ.
