Улаанбаатар
“Статистик хөгжилд хөтлөгч хүч” аяны хаалт боллоо
ОРОН НУТГИЙН МЭДЭЭ | УВС
Увс /МОНЦАМЭ/. “Статистик
хөгжилд хөтлөгч хүч” аяны хаалтын арга хэмжээ өнөөдөр буюу Эзэн Чингис хааны мэндэлсэн
өдрөөр аймгийн ЗДТГ-ын Хурлын танхимд болж өнгөрлөө. Энэ үеэр статистикийн салбарт
олон жил үр бүтээлтэй ажиллаж буй эрүүл мэнд, боловсрол, бусад салбарын
статистикийн ажилчдыг ҮСХ-ны Хүндэт жуух бичиг болон аймгийн
Хүндэт
тэмдэг, аймгийн
Засаг
даргын хүндэт жуух бичиг, Баярын бичгээр тус тус
шагнаж урамшууллаа.
Тус аяны хүрээнд “Шилдэг багийн Засаг дарга”-аар Тариалан сумын Хөхөө багийн Засаг дарга Ц.Батзул, “Аймгийн тэргүүний мэдээлэгч байгууллага”-аар “Чандмань-Увс” ХХКомпани, “Шилдэг статистикч” шагналаар Малчин сумын статистик хариуцсан мэргэжилтэн Ц.Нацаг нар шалгарсан байна.
Энэхүү арга хэмжээнд аймгийн удирдлагууд мөн оролцсон
бөгөөд энэ үеэр 11-р
сарын 11-нд төрсөн бяцхан иргэн Б.Ойгон, Ч.Булган-Эрдэнэ, Б.Цэцэгхорлоо нарыг
урьж, сонирхолтой статистик мэдээллийг гардуулсан юм.
