Умард Солонгосын Гадаад хэргийн сайд Монголд айлчилжээ
ДЭЛХИЙН МЭДЭЭ | УЛС ТӨРНЬЮ-ЙОРК. /Jknus/. Умард Солонгосын Гадаад хэргийн сайд Ри Су-ён энэ сарын 29-нд Женев хотноо эхлэх НҮБ-ын хүний эрхийн хуралд оролцоно гэж НҮБ өчигдөр мэдэгдэв.
Ри Су-ён НҮБ-ын Хүний эрхийн зөвлөлийн 31 дэх удаагийн чуулганд оролцож, үг хэлэхийн зэрэгцээ өндөр түвшний уулзалтад оролцоно гэж “Ёнхап” агентлаг мэдээлжээ.
Гадаад хэргийн сайд Ри Су-ён бямба гарагт Монгол, Швейцарь руу мордсон гэж Умард Солонгосын хэвлэл өнгөрсөн амралтын өдрүүдэд мэдэгдсэн байна. Ри Су-ён ямар зорилгоор Монголд айлчилж байгаа тухай хэвлэлд дурдаагүй ч сайдыг Женевт болох НҮБ-ын хуралд оролцоно гэж мэдээлсэн байна.
Умард Солонгосын Гадаад хэргийн сайд Ри Су-ён тэргүүтэй төлөөлөгчид Монголд айлчилж, Женевт болох НҮБ-ын Хүний эрхийн уулзалтад оролцохоор Пхеньян хотоос мордлоо гэж өнгөрсөн бямба гарагт “KCNA” агентлаг мэдээлжээ.
Д.Нямтулга