Цахим халдлагад хариу арга хэмжээ авахыг шаардана

Дэлхийд | Улс төр
nyamtulga@montsame.mn
2015-09-15 14:53:40

ВАШИНГТОН. /NHK/. АНУ-ын Ерөнхийлөгч Барак Обама ирэх долоо хоногт Вашингтон хотноо БНХАУ-ын дарга Си Зиньпинтэй уулзах үеэрээ кибер аюулгүй байдлын талаар санаа зовж байгаагаа мэдэгдэх ажээ.

"Кибер орон зай дахь БНХАУ-ын үйлдлийн талаар ихээхэн санаа зовж байгаагаа АНУ-ын албаны хүмүүс хүчтэй илэрхийлнэ. Энэ нь АНУ-ын эдийн засаг, үндэсний аюулгүй байдлын чухал асуудал юм" гэж Цагаан ордны хэвлэлийн төлөөлөгч Жош Эрнест өчигдөр мэдэгдэв.

АНУ-ын компаниуд, Засгийн газрын байруудын аюулгүй байдалд халдсан хэрэгт БНХАУ-ын хакерууд сэжиглэгдэж байна.

Үүнтэй холбоотой бухимдал олны дунд, ялангуяа, бизнес эрхлэгчдийн дунд газар авч байна.

БНХАУ-аас үүдэлтэй ийм үйл ажиллагааг дахин хүлээн зөвшөөрч чадахгүй гэж Обама өнгөрсөн долоо хоногт мэдэгджээ. Үүнд зохих арга хэмжээ авахыг Обама уулзалтын үеэр Си Зиньпинээс хүсэх ажээ.

Д.Нямтулга

 

Холбоотой мэдээ
Сэтгэгдлүүд