Зудтай таван суманд өвс тэжээл хүргэнэ

ОРОН НУТГИЙН МЭДЭЭ | ДОРНОГОВЬ
erdenechimeg@montsame.mn
2016-01-09 09:37:34

Онцгой байдлын Ерөнхий газрын харьяа Дорноговь аймаг дахь улсын нөөцийн  салбарт хадгалж байгаа өвснөөс 8000 боодлыг зудтай байгаа таван сумын малчдад хуваарилах ажлыг аймгийн ХХААГ хийж байна.

Энэ сарын дундуур аймгийн Засаг дарга, хөдөө аж ахуй болон онцгой байдлын ажилтнууд бусад холбогдох албаны бүрэлдэхүүнтэй ажлын хэсэг зудтай байгаа Даланжаргалан, Айраг, Иххэт, Алтанширээ, Дэлгэрэх сумын малчдад өвс хүргэхээр боллоо. Үүнээс гадна Дорноговь аймгийн Нутгийн зөвлөлөөс дээрх сум бүрт 2000 боодол өвсийг үнэгүй олгожээ.

Засгийн газрын 480 дугаар тогтоолын дагуу зудтай байгаа аймгуудад өвс тэжээлийн тусламж үзүүлэх зорилгоор 2-3 жилийн өмнө Улсын нөөцөд татан төвлөрүүлж байсан үлдэгдэл өвс тэжээлийг малчдад үнэгүй олгохоор шийдвэрлэсэн юм.

Дорноговь аймаг Х.Эрдэнэбулган

Холбоотой мэдээ