Сиричүүдэд Орос 2 сая долларын тусламж үзүүлнэ
ДЭЛХИЙН МЭДЭЭ | УЛС ТӨРМОСКВА. /SANA/. Терроризмоос болж хохирсон сиричүүдэд хүмүүнлэгийн тусламж үзүүлэх НҮБ-ын хүчин чармайлтыг Орос дэмжиж, 2 сая доллар зориулахаа тус улсын Гадаад хэргийн яамнаас мэдэгджээ.
“Оросын Засгийн газрын 12 дугаар сарын 16-нд гаргасан шийдвэрийн дагуу, Сирийн иргэдэд яаралтай тусламж үзүүлэх, сүйдсэн дэд бүтцийг сэргээн засахад зориулж, 2015 оны төсвөөсөө 2 сая долларыг НҮБ-ын Хөгжлийн хөтөлбөрт хуваарилна” гэж тус яам мэдэгдэв.
НҮБ-ын Хөгжлийн хөтөлбөр болон Сирийн Засгийн газарт энэ талаар мэдэгдэж, хуваарилсан мөнгөн хөрөнгийг шилжүүлэх ажилд Сангийн яамтайгаа хамтран ажиллахаа Оросын Гадаад хэргийн яам мэдэгдсэн юм.
Х.Аминаа