Ulaanbaatar
УВС: Насан туршийн суралцахуйн төвийн сургалтуудад үнэ төлбөргүй хамрагдах боломжтой
ОРОН НУТГИЙН МЭДЭЭ | УВС
Улаангом, 2025 оны наймдугаар сарын 29 /МОНЦАМЭ/. Увс аймгийн Насан туршийн суралцахуйн төвийн хамт олон 2025-2026 оны хичээлийн жилийн элсэгчдээ бүртгэж эхлээд байна. Бүртгэл ирэх сарын 5-ныг хүртэл үргэлжилнэ.
Энэхүү төв нь англи, орос хэл, шатар, даамын, ширээний
теннис, дартс, мэдээллийн технологи, икэл
хуур, аман хуур, Монгол бичиг зэрэг 10 гаруй төрлийн сургалт хичээллүүлдэг. Мөн гэр бүл, эрүүл мэнд, санхүүгийн
боловсрол олгох сургалтыг жилийн туршид явуулна. Тухайлбал, амьжиргаа дэмжих, ур чадвар олгох сургалтаар лаа, саван, гипс, давсан урлал, эсгий шаахай,
эсгий урлал, оёдол, эсгүүр хийх аргыг заадаг.
Тус төвд Монголын оюун ухааны академийн ой тогтоолт, түргэн бодолтын нэг жилийн анги төлбөртэй сургалт явуулж байна. Харин бусад төрлийн сургалт үнэ төлбөргүй гэдгээрээ давуу талтай.
