Ulaanbaatar
Монгол залуус АНУ-ын улс төрийн тогтолцоо, олон нийтийн байгууллагын үйл ажиллагаатай танилцана
МОНГОЛЫН МЭДЭЭ | УЛС ТӨР
Улаанбаатар, 2025 оны зургаадугаар сарын 9 /МОНЦАМЭ/. Монгол Улсаас АНУ-д суугаа Онц бөгөөд Бүрэн эрхт Элчин сайд Ө.Батбаяр MUNCEP-2025 хөтөлбөрийн оролцогчоор шалгарсан А.Одонтуяа, Г.Тэргэл, Ж.Саруул-Эрдэнэ нарыг энэ сарын 4-нд ЭСЯ-нд хүлээн авч уулзан, баяр хүргэв.
Тус хөтөлбөрт оролцогчид АНУ-ын Конгрессын ажлын алба,
томоохон судалгааны хүрээлэн, олон нийтийн байгууллагад зургаадугаар сарын 2-ноос наймдугаар
сарын 1-нийг хүртэлх хоёр сарын хугацаанд дадлагажиж, АНУ-ын улс төрийн
тогтолцоо, олон нийтийн байгууллагын үйл ажиллагаатай танилцахын зэрэгцээ
иргэний оролцоо, манлайлагчдын ур чадварт суралцах юм.
Монгол Улс, АНУ-ын харилцааг хөгжүүлэхэд хувь нэмэр оруулах
ирээдүйн манлайлагчдыг төрүүлэх зорилготой Mongolian-U.S.National Civic
Engagement Program (MUNCEP) хөтөлбөрийг Монгол Улсаас АНУ-д суугаа ЭСЯ-наас
санаачлан АНУ-ын Азийн хүрээлэнтэй хамтран 2022 оноос хэрэгжүүлж байна гэж тус
улсад суугаа ЭСЯ-наас мэдээллээ.
