Ulaanbaatar
“Монгол ур чадвар-2018” тэмцээний гагнуурын төрөлд Т.Оюун-Эрдэнэ шилдгээр тодров
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Мэргэжлийн боловсрол, сургалтын байгууллагуудын гагнуурын мэргэжлээр суралцагч, төгсөгчдийн дунд “Монгол ур чадвар-2018” гагнуурын тэмцээний нэгдүгээр шатны шалгаруулалт энэ сарын 25-27-нд Герман-Монголын хамтарсан Мэргэжил, сургалт үйлдвэрлэлийн төв (МСҮТ)-д боллоо.
Тэмцээнийг ХНХЯ, Хөдөлмөр, Халамжийн үйлчилгээний ерөнхий газар, Монголын материал судлал, гагнуурын нийгэмлэг болон “Хасу мегават”, “Оюу толгой” компани хамтран зохион байгууллаа. Энэ удаагийн тэмцээний шүүгчдийн бүрэлдэхүүнд Бразил, Арабын нэгдсэн Эмират улсад зохиогдсон “Дэлхийн ур чадвар” тэмцээнд амжилттай оролцсон Л.Ганцоож, Ж.Жанлав-Ойдов нар багтсан бөгөөд хот, хөдөөгийн 27 сургуулийн 31 оролцогч мэргэжлийн ур чадвараа сорьсоны дотор анх удаа эмэгтэй суралцагч гагнуурын ур чадвараар өрсөлдсөн нь онцлог байв. Тэмцээн цахилгаан (III/SMAW), хагас автомат (135/GMAW), аргон (141/GTAW) гэсэн гурван төрлөөр явагдаж, нийлбэр дүнгээр шилдгүүдийг шалгаруулсан бөгөөд Герман-Монголын хамтарсан МСҮТ-ийн оюутан Т.Оюун-Эрдэнэ тэргүүн байрт шалгарлаа.
Дэд байрт Монгол-Солонгосын Политехникийн коллежийн оюутан Э.Уужимсэтгэлт, гутгаар байрт Техник технологийн Политехникийн коллежийн оюутан Д.Гантогтох шалгарлаа. Тэмцээний шилдэг 2 оролцогчийг “Оюу-Толгой” компани ивээн тэтгэж дэлхийн ур чадварын тэмцээнд бэлддэг уламжлалтай бөгөөд энэ жил Т.Оюун-Эрдэнэ, Э.Уужимсэтгэлт нарын бэлтгэлийг ивээн тэтгэх боллоо.
Энэ оны гуравдугаар сард “Монгол ур чадвар-2018”-ын мужаан, тогооч, сантехник, өрөг угсралт, цахилгааны төрлийн тэмцээний нэгдүгээр шатны шалгаруулалт болох юм. Харин 2019 онд бүх төрлийн тэмцээний хоёрдугаар шатны шалгаруулалт болж, ОХУ-ын Казань хотноо болох “Дэлхийн ур чадвар-2019”-д эх орноо төлөөлөн оролцох баг тодорно.
Тэмцээнийг ХНХЯ, Хөдөлмөр, Халамжийн үйлчилгээний ерөнхий газар, Монголын материал судлал, гагнуурын нийгэмлэг болон “Хасу мегават”, “Оюу толгой” компани хамтран зохион байгууллаа. Энэ удаагийн тэмцээний шүүгчдийн бүрэлдэхүүнд Бразил, Арабын нэгдсэн Эмират улсад зохиогдсон “Дэлхийн ур чадвар” тэмцээнд амжилттай оролцсон Л.Ганцоож, Ж.Жанлав-Ойдов нар багтсан бөгөөд хот, хөдөөгийн 27 сургуулийн 31 оролцогч мэргэжлийн ур чадвараа сорьсоны дотор анх удаа эмэгтэй суралцагч гагнуурын ур чадвараар өрсөлдсөн нь онцлог байв. Тэмцээн цахилгаан (III/SMAW), хагас автомат (135/GMAW), аргон (141/GTAW) гэсэн гурван төрлөөр явагдаж, нийлбэр дүнгээр шилдгүүдийг шалгаруулсан бөгөөд Герман-Монголын хамтарсан МСҮТ-ийн оюутан Т.Оюун-Эрдэнэ тэргүүн байрт шалгарлаа.
Дэд байрт Монгол-Солонгосын Политехникийн коллежийн оюутан Э.Уужимсэтгэлт, гутгаар байрт Техник технологийн Политехникийн коллежийн оюутан Д.Гантогтох шалгарлаа. Тэмцээний шилдэг 2 оролцогчийг “Оюу-Толгой” компани ивээн тэтгэж дэлхийн ур чадварын тэмцээнд бэлддэг уламжлалтай бөгөөд энэ жил Т.Оюун-Эрдэнэ, Э.Уужимсэтгэлт нарын бэлтгэлийг ивээн тэтгэх боллоо.
Энэ оны гуравдугаар сард “Монгол ур чадвар-2018”-ын мужаан, тогооч, сантехник, өрөг угсралт, цахилгааны төрлийн тэмцээний нэгдүгээр шатны шалгаруулалт болох юм. Харин 2019 онд бүх төрлийн тэмцээний хоёрдугаар шатны шалгаруулалт болж, ОХУ-ын Казань хотноо болох “Дэлхийн ур чадвар-2019”-д эх орноо төлөөлөн оролцох баг тодорно.
Ч.Ариунболд
