“Нормандын дөрвөл”-ийн гадаад хэргийн сайд нар хоригдлуудыг чөлөөлөх асуудлыг хэлэлцжээ

Дэлхийд | Улс төр
ayanzaya@montsame.gov.mn
2018-06-12 10:30:23
БЕРЛИН. /РИА Новости/. Берлин хотод болсон “Нормандын дөрвөл”-ийн Гадаад хэргийн сайд нарын яриа хэлэлцээний үеэр тус хэлэлцээнд оролцогч талууд хоригдлуудыг чөлөөлөх болон хүмүүнлэгийн асуудлуудыг хэлэлцсэн байна. Энэ тухай ОХУ-ын Гадаад хэргийн сайд Сергей Лавров сэтгүүлчдэд мэдэгджээ.
 
Уулзалтын үеэр Украины Гадаад хэргийн сайд Павел Климкинтэй нүүр тулан харилцан яриа өрнүүлснээ С.Лавров мөн тэмдэглэсэн байна.
 
“Нормандын дөрвөл”-ийн Гадаад хэргийн сайд нарын уулзалт өчигдөр болсон юм. Таван цаг үргэлжилсэн яриа хэлэлцээний үеэр сайд нар Донбассын аюулгүй байдлыг хангах, Минскийн тохиролцоог хэрэгжүүлэх явц хийгээд НҮБ-ын энхийг сахиулагчдыг байрлуулах хэтийн төлөвийг хэлэлцсэн аж.
Э.Аянзаяа 
Холбоотой мэдээ