Өмнөд Солонгосын Ерөнхийлөгч асан Пак Гын Хэ-д 24 жилийн ял оноожээ

ДЭЛХИЙН МЭДЭЭ | УЛС ТӨР
ayanzaya@montsame.gov.mn
2018-04-06 15:31:05
ТОКИО./РИА Новости/. Авлига авсан хэрэгт буруутгагдан баривчлагдсан Өмнөд Солонгосын Ерөнхийлөгч асан Пак Гын Хэ-д Сөүлийн Төв дүүргийн шүүх 24 жил шоронд хорих ял оноожээ.
 
Шүүх хурлыг телевизээр шууд дамжуулсан байна.
 
Пак Гын Хэ өнгөрсөн оны гуравдугаар сарын сүүлчээр баривчлагдсан. Түүнийг авлига авсан, эрх мэдлээ урвуулан ашигласан, төрийн нууц задруулсан зэрэг 18 зүйл ангиар буруутгасан билээ. Өмнөд Солонгосын Прокурорын газар Пак Гын Хэ-д 30 жилийн хорих ял оноох болон 118,5 тэрбум вон буюу ойролцоогоор 95 сая ам.доллар төлөхийг шаардсан юм.
  
Э.Аянзаяа 

Холбоотой мэдээ