Өвөлжилт хүндэрч эхлэв

ОРОН НУТГИЙН МЭДЭЭ | БАЯН-ӨЛГИЙ
erdenechimeg@montsame.mn
2015-11-24 11:37:40

Баян-Өлгий аймгийн нийт нутгийн далан хувь нь цастай байна. Дэлүүн сумын нутаг цасгүй, Алтай, Буянт, Өлгий зэрэг сумдын нутагт энэ сарын 17, 20, 21-ний өдрүүдэд нэмж цас орсон бөгөөд энэ долоо хоногт уулархаг нутгуудаар дахин цас орох юм байна.

Цэнгэл, Улаанхус, Баяннуур сумдын нутгаар зузаан цастай, 28 хэм хүрч хүйтний эрч чангарч байгаа ч байдал гамшгийн хэмжээнд хараахан хүрээгүй, гэхдээ сонор сэрэмжтэй, бэлтгэлтэй байхыг аймгийн засаг даргаас онцгой байдлын алба, холбогдох бусад байгууллагынханд анхаарууллаа. Энэ долоо хоногийн сүүлчээр хүйтний эрч намдах төлөвтэй болохыг ус цаг уурынхан мэдээлээд байна.

Харин Өлгий сумын нэгдсэн халаалтын хэрэглэгчид дулааны шугамын үйл ажиллагаанд сэтгэл дундуурхан байна. Нутаг нь цасан бүрхүүлтэй байгаа Алтай суманд шүлхий өвчинтэй холбоотой хорио цээр цуцлагдсан ч уг сумаас гадагшаа мал болон мал аж ахуйн бүтээгдэхүүн гаргахыг хязгаарласаар байна. 

Ш.Айзаря

Холбоотой мэдээ