Унгар улс "Пёнчан-2018"-аас анхны алтан медалиа хүртлээ

Дэлхийд | Спорт
184@montsame.mn
2018-02-23 13:57:03
ПЁНЧАН. /Ройтерс/. Унгар улсын тамирчид “Пёнчан-2018” өвлийн олимпийн наадмын эрэгтэйчүүдийн 5000 метрийн богино зайн тойргийн тэшүүрийн буухиа уралдаанд түрүүлснээр эх орондоо энэ олимпийн анхны алтан медалийг авчирлаа гэж “Ройтерс” агентлаг мэдээлэв.

Унгар улс нь өвлийн олимпоос шорт-трек буюу богино зайн тойргийн тэшүүрийн уралдааны төрөлд хэзээ ч медаль авч байгаагүй ба энэ удаад 6 минут 32,971 секундийн үзүүлэлтээр Олимпийн дээд амжилт тогтоон анх удаа түрүүлжээ. Хоёрдугаар байрт Хятад улс 0.064 секундээр хоцорч, мөнгөн медаль хүртсэн бол Канад улс хүрэл медаль авчээ.

Ах дүү Сандор Лю Шаолин болон Шаоан Лю, Виктор Кноч болон Ксаба Буржан нар богино зайн тойргийн тэшүүрийн шигшээ уралдаанд түрүүлснээрээ Унгар улсын олимпийн наадамд үзүүлсэн амжилтын түүхийг баяжуулав.
 
 
Н.Мишээл
Холбоотой мэдээ