Улаанбаатар
Дэлхийн хүнсний өдөр: Дэлхийн хүн амын 11.3 хувь нь өлсгөлөнд нэрвэгдээд байна
ДЭЛХИЙН МЭДЭЭ | НИЙГЭМ
ВАШИНГТОН. /АП/. Өнөөдөр “Дэлхийн хүнсний өдөр” тохиож байна. НҮБ-ын Хүнс ба хөдөө аж ахуйн байгууллагыг 1945 оны 10 дугаар сарын 16-нд үүсгэн байгуулсан ба энэ өдрийг тохиолдуулан 1979 оноос эхлэн “Дэлхийн хүнсний өдөр”-ийг жил бүрийн 10 дугаар сарын 16-ний өдөр дэлхий нийтээрээ тэмдэглэн өнгөрүүлдэг болжээ.
Энэ өдөр дэлхийн хүнсний аюулгүй байдал, ядуурал, өлсгөлөн зэрэг тулгамдсан асуудалтай тэмцэхэд илүү их хүчин чармайлт гаргахыг улс орнуудад НҮБ-ын Хүнс ба хөдөө аж ахуйн байгууллага болон олон улсын ТББ-ууд уриалдаг байна.
2017 оны 10 дугаар сарын 16-ний энэ өдөр “Дэлхийн хүнсний өдөр”-ийг дэлхий нийт “Цагаачдын ирээдүйг өөрчлөх нь: Хүнсний аюулгүй байдлыг хангаж, хөдөөгийн хөгжлийг хөхиүлэн дэмжихэд хөрөнгө оруулцгаая!” уриан дор тэмдэглэж байгаа юм.
Өнөөдөр дэлхийн хүн амын 11.3 хувь нь өлсгөлөнд нэрвэгдээд байна. Өөрөөр хэлбэл, дэлхийн хэмжээнд 805 сая орчим хүн өдөрт хоол хүнсээр дамжуулан авбал зохих 2100 калорийг авч чадахгүй байгаа юм.
2010 оны тооцоогоор, дэлхийн хэмжээнд жилд ойролцоогоор 7.6 сая хүүхэд буюу өдөрт 20 мянга гаруй хүүхэд амиа алддаг бөгөөд тэдний бараг тэн хагас нь хоол хүнсний дутагдлын улмаас амиа алдахад хүрч байна.
Дэлхийн өлсгөлөнд нэрвэгдсэн хүмүүсийн бараг 98 хувь нь ядуу буурай улс орнуудын иргэд юм. Хөгжиж буй улс орнуудад 15 хүүхэд тутмын 1 нь өлсгөлөнгөөс улбаатай өвчний улмаас таван нас хүрэхээсээ өмнө хорвоог орхиж байгаа ажээ.
Өнөөдөр дэлхийн хэмжээнд тураалдаа орсон 5-аас доош насны 155 сая хүүхэд байна.
Энэ өдөр дэлхийн хүнсний аюулгүй байдал, ядуурал, өлсгөлөн зэрэг тулгамдсан асуудалтай тэмцэхэд илүү их хүчин чармайлт гаргахыг улс орнуудад НҮБ-ын Хүнс ба хөдөө аж ахуйн байгууллага болон олон улсын ТББ-ууд уриалдаг байна.
2017 оны 10 дугаар сарын 16-ний энэ өдөр “Дэлхийн хүнсний өдөр”-ийг дэлхий нийт “Цагаачдын ирээдүйг өөрчлөх нь: Хүнсний аюулгүй байдлыг хангаж, хөдөөгийн хөгжлийг хөхиүлэн дэмжихэд хөрөнгө оруулцгаая!” уриан дор тэмдэглэж байгаа юм.
Өнөөдөр дэлхийн хүн амын 11.3 хувь нь өлсгөлөнд нэрвэгдээд байна. Өөрөөр хэлбэл, дэлхийн хэмжээнд 805 сая орчим хүн өдөрт хоол хүнсээр дамжуулан авбал зохих 2100 калорийг авч чадахгүй байгаа юм.
2010 оны тооцоогоор, дэлхийн хэмжээнд жилд ойролцоогоор 7.6 сая хүүхэд буюу өдөрт 20 мянга гаруй хүүхэд амиа алддаг бөгөөд тэдний бараг тэн хагас нь хоол хүнсний дутагдлын улмаас амиа алдахад хүрч байна.
Дэлхийн өлсгөлөнд нэрвэгдсэн хүмүүсийн бараг 98 хувь нь ядуу буурай улс орнуудын иргэд юм. Хөгжиж буй улс орнуудад 15 хүүхэд тутмын 1 нь өлсгөлөнгөөс улбаатай өвчний улмаас таван нас хүрэхээсээ өмнө хорвоог орхиж байгаа ажээ.
Өнөөдөр дэлхийн хэмжээнд тураалдаа орсон 5-аас доош насны 155 сая хүүхэд байна.
Г.Доржханд
