Улаанбаатар
Дахин санал хураалт явуулах өдөр аймгууд баяр наадам зохион байгуулахгүй байх чиглэл өгөв
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. Засгийн газрын өнөөдрийн хуралдаанаас ирэх сарын 7-нд буюу дахин санал хураалт явуулах өдөр аймгууд баяр наадам зохион байгуулахгүй байх чиглэл өглөө.
Тодруулбал аймгуудын баяр наадмын товыг дараах байдлаар өөрчилсөн байна. Үүнд:
- Баянхонгор сум байгуулагдсаны 60 жилийн ойг хамтатгаж Баянхонгор аймгийн наадмыг долдугаар сарын 21-22-нд,
- Зарим суманд шүлхий өвчин гарсан, нийт нутгаар нь гантай байгааг харгалзан Дорноговь аймгийн наадмыг долдугаар сарын 28-29-нд,
- Зүүн бүсийн хурдан морины уралдаантай хамтатган Сүхбаатар аймгийн наадмыг долдугаар сарын 28-29-нд зохион байгуулахаар боллоо.
Б.Туул
