Улаанбаатар
"Нвидиа" компанийн зах зээлийн үнэлгээ 4.5 их наяд ам.долларт хүрчээ
ДЭЛХИЙН МЭДЭЭ | ЭДИЙН ЗАСАГ
ВАШИНГТОН, 2025 оны аравдугаар сарын 2 /Kazinform/. Мягмар гаргийн арилжаагаар график процессор үйлдвэрлэгч “Nvidia” компанийн хувьцааны ханш 3 орчим хувиар өсөж, шинэ дээд үзүүлэлтэд хүрснээр бичил чип үйлдвэрлэгч тус компанийн зах зээлийн үнэлгээ 4.5 их наяд ам.долларыг давсныг "Nasdaq" биржийн арилжааны мэдээлэл харуулжээ.
Он гарснаас хойш “Nvidia”-гийн хувьцаа 39 орчим хувиар өсжээ. Тус компани хиймэл оюуны салбар хурдацтай өсөж буй энэ үед өөрийн байр суурийг бэхжүүлэн, гэрээ хэлцлээ эрчимжүүлж байгаа тул хөрөнгө оруулагчдыг татсаар байна.
Өнгөрсөн долоо хоногт тус компани "OpenAI"-д 100 тэрбум ам.долларын хөрөнгө оруулахаар төлөвлөж байгаагаа мэдэгдсэн билээ. Компаниуд "OpenAI"-ийн программ хангамж, дэд бүтэц, мөн "Nvidia"-ийн техник, программ хангамжийг хөгжүүлэх замын зураглалыг хамтран оновчтой болгоно. Энэхүү түншлэл нь дэлхийн хамгийн дэвшилтэт хиймэл оюуны дэд бүтцийг бий болгоход чиглэжээ.
Хамтарсан төслийн эхний үе шат 2026 оны хоёрдугаар хагаст хэрэгжих төлөвтэй байна. "Nvidia" мөн 5 тэрбум ам.долларын хөрөнгийг "Intel" компанид оруулна гэдгээ мэдэгдсэн юм.
Өнгөрсөн долоодугаар сарын эхээр "Nvidia" зах зээлийн үнэлгээ нь 4 их наяд ам.долларыг давсан анхны компани болсон билээ.
