Шинэ цэцэрлэг нээлтээ хийлээ
ОРОН НУТГИЙН МЭДЭЭ | БАЯНХОНГОРБаянхонгор аймгийн Гурванбулаг сумд 100 хүүхдийн багтаамжтай цэцэрлэг энэ сарын 5-нд нээлтээ хийлээ.
Цэвэр бохир ус, халаалтыг бүрэн шийдсэн орчин үеийн стандарт өрөө бүхий тус цэцэрлэг нь сумдаа анхны 2 давхар барилга болж байна. Энэ цэцэрлэгт Гурванбулаг сумын цэцэрлэгийн насны бүх хүүхэд хамрагдах боломжтой болж байгааг сумын удирдлагууд онцлов.
Сургалт хүмүүжлийн 4 анги, урлагийн заал, гал тогоо, багш нарын өрөө бүхий энэ цэцэрлэг 8 багш, 8 ажилчинтай ийнхүү үйл ажиллагаагаа явуулж эхэллээ.
Б.Мөнхзул