Улаанбаатар
ГОВЬ-АЛТАЙ: Цасан болон шороон шуурга шуурч хүйтний эрч чангарна
ОРОН НУТГИЙН МЭДЭЭ | ГОВЬ-АЛТАЙ
Говь-Алтай, 2024 оны 11 дүгээр сарын 13 /МОНЦАМЭ/. 11 дүгээр сарын 14-нд нутгийн зарим газраар цас орж, салхи ихэнх хугацаанд секундэд 14-16 метр хүрч цасан болон шороон шуурга шуурч, 15-наас нийт нутгаар эрс хүйтрэхийг Говь-Алтай аймгийн УЦУОШТ-өөс анхаарууллаа.
Тодруулбал, хур тунадас 13-нд Алтайн уулархаг нутгаар, 14-нд ихэнх нутгаар цас орж шуурна. Ихэнх хугацаанд секундэд 8-13 метр, 14-нд Алтайн уулархаг нутгаар секундэд түр зуур 18-20 метр хүрч ширүүсч, нутгийн өмнөд хэсгээр шороон шуурга шуурна.
Тэгвэл агаарын температур энэ сарын 15-наас нийт нутгаар эрс хүйтэрнэ. Алтайн өвөр говь, Хүйс, Шарга, Халиун, Бигэрийн говиор шөнөдөө -4-9 градус хүйтэн, өдөртөө -4+1 градус дулаан, бусад нутгаар шөнөдөө -13-18 градус хүйтэн, өдөртөө -2-7 градус хүйтэн байх тухай цаг уурын байгууллагаас мэдээлэв.
