Улаанбаатар
ХОВД: Мөст сумын эмч нар хамгийн холдоо 370 км замыг туулан малчдад үйлчилдэг
ОРОН НУТГИЙН МЭДЭЭ | ХОВД
Жаргалант /МОНЦАМЭ/. Ховд
аймгийн Мөст суманд 530 малчин өрхийн 212 мянган толгой мал нутаглаж
байна.
Алтайн
нурууны салбар уулсын дунд орших Мөст суманд
мал эмнэлэг, үржлийн алба үүсэн байгуулагдаад өдгөө 80 жилийн түүхийг
бүтээжээ.
Тус сумын мал эмнэлгийн тасаг, үйлчилгээний нэгжүүд 2023
оноос эхлэн биe даан үйл ажиллагаа явуулах ажлын байртай боллоо. Энэхүү
ажлын байрны нээлтийн үйл ажиллагаа, тууз хайчлах ёслол 8 дугаар сарын 4-нд болж, Мөст сумын малын
эмч нар, үе үeийн ахмад ажилтнууд, салбарын удирдлагууд оролцож, мэндчилгээ
дэвшүүлсэн байна.
Өнөөдрийн
байдлаар Мөст сумын мал эмнэлгийн тасаг, үйлчилгээний нэгжид 7-8
хүн ажиллаж байгаа. Ихэнх малчин
өрхүүд аймаг, сумын төвөөсөө алс хол амьдардаг тул Мөст сумын малын
эмч нар ажлаа гүйцэтгэхийн тулд хамгийн холдоо 370 км бартаа саад бүхий замыг
туулан малчны хотонд хүрч үйлчилдэг байна.
Малын эмч нь мал, амьтны өвчлөл, гэмтэл,
саатлыг оношилж, сэргийлэх, эмчлэх үүрэгтэй. Энэхүү эрхэм үүргээ биелүүлэх
явцдаа үргэлж бие биенээсээ суралцаж, хамтдаа хөгжиж иржээ.
