Улаанбаатар
Төв болон зүүн аймгуудын нутгаар цас орно
МОНГОЛЫН МЭДЭЭ | БАЙГАЛЬ ОРЧИН
Улаанбаатар /МОНЦАМЭ/. Төвийн аймгуудын нутгийн зүүн, зүүн аймгуудын нутгийн баруун хэсгээр өнөөдөр цас орж, цасан шуурга шуурч, говь, тал, хээрийн нутгаар хүчтэй салхи, шуургатай байхыг малчид, тээвэрчид, иргэдэд анхаарууллаа.
2023 оны 2 дугаар сарын 28-наас 3 дугаар сарын 4-нийг хүртэлх цаг агаарын урьдчилсан төлөв танилцуулж байна.
Хэнтийн уулархаг нутгаар өнөөдөр ялимгүй цас орно, бусад хугацаанд цас орохгүй. Салхи ихэнх
хугацаанд секундэд 3-8 метр, 28-нд говь, тал, хээрийн нутгаар секундэд 12-14
метр хүрч ширүүснэ. 3 дугаар сарын
1-нээс ихэнх нутгаар хүйтний эрч суларч, Увс нуур болон Дархадын хотгор, Завхан
голын эх, Тэс голын хөндийгөөр шөнөдөө -23...-28 градус, өдөртөө -14...-19
градус, Хангай, Хөвсгөлийн уулархаг нутаг, Хүрэнбэлчир орчмоор шөнөдөө
-17...-22 градус, өдөртөө -6...-11 градус, говийн бүс нутгийн өмнөд хэсгээр
шөнөдөө 0...-5 градус хүйтэн, өдөртөө +7...+12 градус дулаан, Хангайн нурууны
өвөр бэл болон говийн бүс нутгийн хойд хэсгээр шөнөдөө -5...-10 градус хүйтэн,
өдөртөө +2...+7 градус дулаан, бусад нутгаар шөнөдөө -11...-16 градус хүйтэн,
өдөртөө -3...+2 градус дулаан байна.
