Улаанбаатар
Цагааннуур боомт үдийн цайны завсарлагагүй ажиллаж байна
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Монгол Улсын хилийн боомтуудаас авто замын
Цагааннуур, Даян, агаарын замын Өлгий боомтууд
Баян-Өлгий аймгийн нутаг дэвсгэрт оршдог. Үүний 2 нь олон улсын, 1 нь хоёр
талын зэрэглэлтэй боомт юм.
Энэ жилийн хувьд Олон улсын авто замын Цагааннуур боомт ажлын хуваарийн
дагуу даваа-бямба гарагт 9.00-18.00 цагийн хооронд ажиллаж байна.
Тус боомт нь ОХУ-тай хиллэдэг бөгөөд 2019 оны 11 дүгээр сарын 7-ны өдрөөс
үдийн цайны цаггүй болсон юм.
Тус аймгийн Сагсай сумын нутагт оршдог БНХАУ-тай хиллэдэг хоёр талын
зэрэглэлтэй Даян боомт нь түр горимоор
ажиллана. Тодруулж хэлбэл, энэ зун 6
дугаар сарын 1-нээс 6 дугаар сарын 20, 6 дугаар сарын 26-наас 7 дугаар 10, 7
дугаар сарын 16-наас 8 дугаар сарын 9, 8 дугаар сарын 15-наас 9 дүгээр сарын
25-ны хооронд 11.00-18.00 цагт үйл ажиллагаа явуулах аж.
Харин агаарын замын Өлгий боомтын үйл ажиллагаа сүүлийн жилүүдэд түр
зогссон байдалтай байна.
