Паралимпын спорт холбоодын удирдлагууд болон дасгалжуулагчид сургалтад хамрагдав
МОНГОЛЫН МЭДЭЭ | СПОРТУлаанбаатар /МОНЦАМЭ/. Зуны “Парис-2024”, Өвлийн “Милан-2026” паралимпын наадмыг угтаж пара спортын холбоодын дарга, ерөнхий нарийн бичгийн дарга, Үндэсний шигшээ багийн дасгалжуулагчдын мэдлэг мэргэшлийг дээшлүүлэн чадавхижуулах сургалтыг өнөөдөр зохион байгууллаа.
“Парис-2024”, “Милан-Картино-2026”, “Ампеццо-2026”
паралимпын наадамд өрсөлдөх спортын төрлүүдийг сонгон шалгаруулах журмаар
батлагдсан үндэсний шигшээ багийг бүрэлдэхүүнд орсон дасгалжуулагч, тамирчдыг
БТСУХ-ны даргын тушаалаар баталсан билээ.
Монголын
үндэсний паралимпын хорооны харьяа пара спортын 9 холбооноос 11 дасгалжуулагч,
29 тамирчин Үндэсний шигшээ багт “Парис-2024”, “Милан-2026” паралимпын наадамд оролцох бэлтгэл сургалтаа хангаж байгаа юм.
Тус сургалтаар Пара спортын шинэчлэгдсэн дүрэм, тамирчдын ангилал, 2022 оны ОУПХ-ны тэмцээний төлөвлөгөө /Н.Оюунбат/, Допингийн эсрэг, сэргээшээс ангид байх, авч хэрэгжүүлэх үйл ажиллагаа, хяналт, хориотой эмийн тухай /Б.Булган/, Спортын удирдлагуудыг чадавхижуулах, Спорт-олимпизмын удирдах ажилтны гарын авлага /Амарсанаа/, ҮШБ-ийн сонгон шалгаруулалтын журам, тамирчин, дасгалжуулагчтай хийх гэрээний тухай /Б.Бямбацэцэг/, “Ханжоу-2022” Дара Азийн IV наадмын бэлтгэл ажлын явцын шинэ мэдээлэл /Н.Оюунбат/ зэрэг сэдвийн дор сонирхолтой илтгэлүүдийг оролцогчдод танилцуулсан байна.