Зэрлэг амьтдын нутгийг аймгийн тусгай хамгаалалтад авлаа

ОРОН НУТАГТ | ДОРНОГОВЬ
erdenebulgan@montsame.mn
2022-04-19 13:24:10

Дорноговь /МОНЦАМЭ/. Дорноговь аймгийн ИТХ-ын 2021 оны 12 дугаар сарын хуралдаанаар Эрдэнэ сумын зарим газрыг аймгийн тусгай хамгаалалтад авах тухай тогтоол баталжээ.

Хуралдаанаар Эрдэнэ сумын иргэдийн шүтээн болсон Цагаан хөтөл багийн Цагаан хайрхан, Еншөөв багийн Ар гашууны ус зэрэг газрыг аймгийн тусгай хамгаалалтад авчээ. Тухайн газарт ховордсон ан амьтан болох аргаль, янгир, цагаан зээр, хар сүүлт  зэрэг амьтад олноор идээшилж амьдардаг.

Тухайн бүс нутгийг аймгийн тусгай хамгаалалтад авснаар уул уурхайн үйл ажиллагаа явуулах боломжгүй бөгөөд зэрлэг ан амьтад тааваараа амьдрах боломж бүрдэж байна.

Холбоотой мэдээ