Улаанбаатар
Сэлэнгэ мөрөн үерийн аюултай түвшинг 10-50 см даван хүчтэй үерлэжээ
ОРОН НУТГИЙН МЭДЭЭ | СЭЛЭНГЭ
Сэлэнгэ/МОНЦАМЭ/.Сэлэнгэ аймгийн тухайд Сэлэнгэ мөрөн Орхон, Ерөө голуудын усны түвшин өмнөх өдрийнхөөс 5-20 см
нэмэгдэж, Сэлэнгэ мөрөн үерийн аюултай түвшинг 10-50 см даван хүчтэй үерлэжээ. Иймээс Сэлэнгэ аймгийн
Цагдаагийн газраас иргэддээ хандаж сэрэмжлүүлэг мэдээ хүргэлээ.
-Гол мөрний усны түвшин нэмэгдсэн үед хөдөө орон нутагт зорчихдоо
баталгаатай гүүр, гарам, гарцтай газраар тээврийн хэрэгсэлтэй болгоомжтой
зорчих, хувийн бэлтгэлээ сайтар хангах, гол, усны ойролцоо амарч зугаалахгүй
байх,
-Голын эрэг дагуу суурьшиж, нутаглаж буй малчид, тариаланчид, аж ахуйн
нэгж байгууллага, аялал зугаалгаар яваа иргэд үер, усны аюулаас сэрэмжлэх.
-Хүүхдийг гол, мөрний эрэг дагуу явуулж тоглуулахгүй байх, хүүхдэд тавих
хараа, хяналтаа сайжруулах,
-Үер, усны аюулаас урьдчилан сэргийлэх мэдээ мэдээлэл, дохиог хүлээн
авсан даруйдаа бусдад дамжуулах, түгээх,
-Гэр, хашаа, саравч, орон байрыг гуу жалга, голын ойролцоох эрэг, татамд
барихгүй, суурьшихгүй байх,
-Согтууруулах ундаа хэрэглэсэн үедээ гол усанд орохгүй байх,
Гол, мөрний усны түвшин үерийн аюултай
хэмжээнд байгаа тул болзошгүй аюулаас сэрэмжтэй байхыг цагдаагийн байгууллагаас
анхааруулж байна.
