Цэвэрлэх байгууламжийг энэ онд ашиглалтад оруулна
ОРОН НУТГИЙН МЭДЭЭ | ДОРНОГОВЬДорноговь /МОНЦАМЭ/. Сайншанд суманд Азийн хөгжлийн
банкны 3.6 сая ам долларын хөнгөлөлттэй зээлээр цэвэрлэх байгууламжийн барилгын
ажил үргэлжилж байна. Тус байгууламжийг "Комфорт импекс" ХХК гүйцэтгэж
байгаа бөгөөд ажлын гүйцэтгэл 70 хувьтай байгаа аж.
Гүйцэтгэгч компани чанар стандартад нийцсэн цэвэрлэх байгууламжийг энэ ондоо багтааж ашиглалтад оруулснаар хоногт 3000 м3 саарал ус боловсруулж ногоон байгууламжийн усалгаа, үйлдвэрлэлийн технологийн үйл ажиллагаанд ашиглах боломжтой.
Сайншанд
сумын цэвэрлэх байгууламж 1993 оноос технологийн дагуу ажиллах боломжгүй болсон
бөгөөд өнөөдрийг хүртэл тус сумын орон сууцнуудаас гарч буй бохир усыг шингээх даланд татан төвлөрүүлж
байгальд хаясаар ирсэн юм.