Дорноговь аймагт сонгуулийн ирц 72.88 хувьтай гарлаа

ОРОН НУТГИЙН МЭДЭЭ | ДОРНОГОВЬ
erdenebulgan@montsame.mn
2016-06-29 22:44:07

2016 оны УИХ-ын болон аймгийн ИТХ-ын сонгуулийн санал хураалт зургадугаар сарын 29-ний өглөөний 00.07 цагаас үдшийн 22.00 цаг хүртэл үргэлжилж Сонгуулийн хуульд заасны дагуу 22.00 цагт санал авах үйлажиллагааг албан ёсоор хаалаа.

Зургадугаар сарын 29-ний үдшийн 21.30 минутын  байдлаар тус аймгийн  ИТХ-ын төлөөлөгчдийг сонгох сонгуулийн сонгогчдын нэрсийн жагсаалтад 41760 сонгогч санал өгөхөөр бүртгүүлснээс 30432 сонгогч санал өгч ирц 72.88 хувьтай гарсан байгааг тус аймгийн Сонгуулийн хорооноос мэдээлэв.

Харин УИХ-ын 12 дугаар тойрог буюу Говьсүмбэр аймгийн 3 сумын мэдээг тус аймгийн Сонгуулийн хороо хараахан аваагүй байгаа бөгөөд тойрогт хамаардаг Дорноговь аймгийн найман сумын хувьд сонгуулийн ирц 76.99 хувьд хүрчээ.

УИХ-ын 13 дугаар тойрог буюу Дорноговь аймагт 31155 сонгогч санал өгөхөөр бүртгүүлснээс  22269 санал өгч ирц  71.48 хувьтай байна. Энэ удаагийн ирцийг 2012 оныхтой харьцуулахад 10 гаруй хувиар нэмэгдсэн аж.

Х.Эрдэнэбулган

Холбоотой мэдээ