Улаанбаатар
“Аль-Шабааб”-ын удирдагчийг устгажээ
ДЭЛХИЙН МЭДЭЭ | НИЙГЭМНАЙРОБИ. /Prensa Latina/. Энэ сарын эхээр Кисмаяо хотын ойролцоо хийсэн агаарын цохилтод өртөн террорист бүлэглэлийн цэргийн гол удирдагч болох Мохамед Мохамуд Али Дуляден алагдсан болохыг “Аль-Шабааб” бүлэглэл анх удаа хүлээн зөвшөөрлөө.
“Куно” гэдэг нэрээр алдаршсан тэрбээр Гарисса хотод төржээ. Дуляден нь Сомали-Кенийн санваартан байсан бөгөөд Кенид явуулж байсан “Аль-Шабааб”-ын цэргийн ажиллагааг удирдаж байсан нэгэн юм.
“Куно” болон бусад хэд хэдэн гол этгээдүүдийг 2016 оны зургадугаар сарын 1-ний өдөр өмнөд Сомалийн Кисмаяо хотоос 30 км-т байрлах “Аль-Шабааб”-ын түшиц газар болох Було-Гадуд тосгонд болсон тулалдааны үеэр устгасан байна.
“Аль-Шабааб” бүлэглэлийн командлагч Махамед Дуляден болон бусад гурван толгойлогчийг устгах ажиллагааг явуулсан Сомалийн тусгай хүчнийхэнд АНУ тусалсан ажээ.
Тэдний цогцсыг олон нийтэд харуулсан байна.
Х.Сарнай
Холбоотой мэдээ
