Улаанбаатар
Б.Жонсон уур амьсгалын өөрчлөлтийн асуудлаар уулзалт хийнэ
ДЭЛХИЙН МЭДЭЭ | УЛС ТӨР
НЬЮ-ЙОРК. /TASS/. НҮБ-ын
Аюулгүйн Зөвлөлийн уур амьсгалын өөрчлөлтийн асуудлаарх хоёрдугаар дугаар сарын 21-нд
болох хуралдааныг Их Британийн Ерөнхий сайд Борис Жонсон даргална.
Энэ тухай НҮБ-ын дэргэдэх
Их Британийн байнгын төлөөлөгч Барбара Вудворд мэдэгдэв.
"Их Британийн даргалах
хуралдааны үеэр яригдах гол асуудлуудын нэг нь уур амьсгалын өөрчлөлт байх
болно. НҮБ-ын Ерөнхий нарийн бичгийн дарга Антониу Гутерриш Аюулгүйн Зөвлөлийн хуралдаанд илтгэл тавихыг зөвшөөрсөн” хэмээн тэрбээр хэлсэн байна.
Үүнээс гадна Аюулгүйн
Зөвлөлийн хоёрдугаар сарын хөтөлбөрт багтсан өөр нэгэн чухал уулзалтын
үеэр коронавирусний вакциныг дэлхий
дахинд шударгаар хуваарилах асуудлыг хэлэлцэх аж. Энэ уулзалтыг Их Британийн
Гадаад хэргийн сайд Доминик Рааб даргалж, вакцин хуваарилалт нь бидний аюулгүй
байдлыг хэрхэн хангах талаар ярих юм байна.
Түүнчлэн Мьянмар дахь
нөхцөл байдлын асуудлаар Аюулгүйн зөвлөл хоёрдугаар сарын 2-нд шуурхай
хуралдаан явуулахаар болжээ. Аюулгүйн Зөвлөлийн гишүүд энэ сард Сири, Йемен дэх нөхцөл
байдал хийгээд Палестин Израилийн харилцааг зохицуулах асуудлыг хэлэлцэх юм.
