Дэглэм, журам зөрчсөн 2 иргэний нэгийг олж тусгаарлах байранд хүлээлгэн өгчээ

Орон нутагт | Хөвсгөл
gantuyaB@montsame.mn
2021-01-27 23:22:48

Хөвсгөл /МОНЦАМЭ/.  Хөвсгөл аймагт энэ сарын 26-нд Улаанбаатар хотоос ирж гэрийн тусгаарлалтад орсон иргэдээс 2 иргэн дэглэм зөрчин гэрээс гарч, олдохгүй хайж байгаа тухай аймгийн Шуурхай штабаас өдрийн 16 цагт мэдээлсэн.

Хөвсгөл аймаг дахь Цагдаагийн газрын алба хаагчид шуурхай ажиллаж, оройн 18 цаг 50 минутад Улаанбаатар хотоос ирсэн иргэн М-ийн байгаа газрыг олж тогтоон саатуулж, тусгаарлах байранд хүлээлгэн өгсөн байна. Харин нөгөө иргэн нь олдоогүй байгаа гэнэ. Гэрийн тусгаарлалт зөрчсөн иргэнд Зөрчлийн тухай хуулиар хариуцлага тооцож, тусгаарлах байранд байрлуулж үйлчилгээний зардлыг тухайн иргэн өөрөө төлөх юм. Иймээс иргэдийг гэрийн тусгаарлалтын дэглэм, журмыг чанд сахин мөрдөж байх хэрэгтэйг Хөвсгөл аймаг дахь Цагдаагийн газраас анхааруулж байна.  

Холбоотой мэдээ