Улаанбаатар
Энэ сард гурван тусгай нислэгээр 570 иргэнээ авна
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Засгийн газар, УОК-оос энэ сард гурван тусгай нислэг үйлдэж, 570 иргэнээ гадаадаас татан авахаар төлөвлөсөн байна.
Тодруулбал, энэ сарын 16-нд ХБНГУ-ын Франкфурт хот руу нислэг үйлдэж Европоос 160 иргэнээ авах аж. Мөн энэ сарын 20-нд Японы Токиогоос 160, 26-нд БНСУ-ын Сөүлээс 250 иргэнээ авахаар төлөвлөсөн байна.
Ташрамд дурдахад, дэлхий нийтэд “COVID-19” цар тахал тархаж эхэлснээс хойш Монгол Улс гадаад орнуудаас 21 мянга орчим иргэнээ тусгай нислэгээр аваад буй юм.
