Улаанбаатар
Коронавирусээр халдварласан 47 хүүхэд эмчлүүлж байна
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Коронавирусээр халдварлагсдын 12-19 хувьд хуурай ханиах, хамар битүүрэх, хоолой хөндүүрлэх толгой өвдөх, халуурах шинж тэмдэг илэрч байна.
Энэ тухай ЭМЯ-ны өнөөдрийн хэвлэлийн хурлын үеэр ХӨСҮТ-ийн Тандалт
судалгааны албаны дарга А.Амбасэлмаа коронавирусээр халдварласан хүмүүст илэрч
буй эмнэл зүйн шинж тэмдгийг танилцуулсан юм.
Харин 4-10 хувьд нь нусгайрах, амт, үнэр мэдрэхгүй
болох, булчин, үе мөч өвдөх, ядрах сульдах, дотор муухайрах 1-2 хувьд суулгах, хамраас
цус гарах, хамар, хоолой хуурайших, амьсгаадах, цээж хөндүүрлэх, нүд улайх
зэрэг шинж тэмдэг илэрч байгаа аж.
Насны хувьд, 9 хүртэлх
насны 47 хүүхэд, 55-аас дээш насны 50 хүн, 80, 81, 90 настай хүмүүс эмчлүүлж
байгааг тэрбээр дурдсан юм.
