Улаанбаатар
Нийслэлийн ЗДТГ-аас иргэдэд хүргэх анхааруулга гаргажээ
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Гамшгаас хамгаалах бүх нийтийн бэлэн байдлын үед иргэдэд хүргэх анхааруулгыг Нийслэлийн ЗДТГ-аас гаргажээ.
Коронавирусний халдвартай холбоотой зөвлөгөө, мэдээллийг 119 дугаарын утаснаас авах боломжтой.
-Хүнс, эм тариа, түлш, ундны ус худалдан авахаас бусад
тохиолдолд гэрээсээ гарахгүй байна.
-Хүнс, эм тариа, түлш, ундны ус худалдан авахаар гэрээсээ
гарсан бол 1 цагийн дотор гэртээ буцаж ирнэ. Зөвхөн гэр бүлийн нэг гишүүн
ойролцоох хүнсний дэлгүүрээс хүнсээ худалдаж авна.
-Хүнсний дэлгүүр эмийн сангаар үйлчлүүлэхдээ хүн хооронд
1.5-2 метрийн зай барина.
-Иргэд зорчих үедээ иргэний цахим үнэмлэхээ биедээ заавал авч
явна.
-Хөл хорионы хугацаанд зөвхөн ажиллах зөвшөөрөлтэй аж ахуйн
нэгжүүдийн тухайн өдрийн ээлжийн хуваарьтай иргэд алба, амины автомашин,
нийтийн тээврээр өглөөний 07.00-10.00, оройн 17.00-20.00 цагт зорчино.
-Бусад иргэдийн автомашины болон явган хөдөлгөөнийг 24 цагийн
турш хориглосон болно.
-Нийслэлийн онцгой комиссоос иргэний цахим үнэмлэх, QR
системд тулгуурлан иргэдийн хөдөлгөөн, автомашины хөдөлгөөнийг хянаж байна.
Энэ мэдээллийг ойр орчны болон хөгжлийн бэрхшээлтэй хүмүүст түгээнэ үү.
