Аврагчид 30 иргэний амь насыг авран хамгааллаа

Орон нутагт | Төв
tuv@montsame.gov.mn
2020-10-03 19:24:27


Төв / МОНЦАМЭ/. Төв аймгийн ихэнх нутгаар цас орж аймгийн Онцгой байдлын газарт малдаа яваад төөрсөн, машин цасанд суусан, зам хаагдсан зэрэг нийт 27 дуудлага бүртгэгдсэн байна.

Ийнхүү аймгийн Онцгой комисс шуурхай хуралдааныг зарлаж тодорхой үүрэг чиглэлүүдийг өгсний дагуу холбогдох байгууллагуудын болон орон нутгийн удирдлагууд шуурхай арга хэмжээг авчээ. Тухайлбал Эрдэнэсант, Дэлгэрхаан сумын зам цасанд боогдон хаагдсан байсныг Онцгой байдлын газрын даргаар ахлуулсан ажлын баг хүрэлцэн очиж, иргэд цааш зорчих боломжийг бүрдүүллээ.

Мөн төөрсөн, цасанд суусан дуудлагаар эрэн хайх аврах ажиллагааг зохион байгуулж 30 иргэний амь насыг алба хаагчид авран хамгаалсан бол Баянчандмань сумын 52-н даваан дээр алба хаагчид одоог хүртэл үүрэг гүйцэтгэн ажиллаж байна гэж аймгийн Онцгой байдлын газраас мэдээллээ. 

Холбоотой мэдээ