Гадаад харилцааны дэд сайд Б.Мөнхжин Францын Элчин сайдыг хүлээн авч уулзав

Монголын мэдээ | ГХЯ-ны мэдээ
ariunbold@montsame.mn
2020-09-25 07:58:08

Улаанбаатар /МОНЦАМЭ/. Гадаад харилцааны дэд сайд Б.Мөнхжин Бүгд Найрамдах Франц Улсаас Монгол Улсад суугаа Онц бөгөөд Бүрэн эрхт Элчин сайд Филипп Мэрлинийг өчигдөр буюу энэ сарын 24-нд хүлээн авч уулзав.


Гадаад харилцааны дэд сайд Б.Мөнхжин Монгол Улсын Засгийн газрын үйл ажиллагааны хөтөлбөрийн хүрээнд Монгол Улсын гуравдагч хөрш Франц Улстай харилцаа, хамтын ажиллагааг бүхий л салбарт өргөжүүлэхэд чухал ач холбогдол өгч буйг тэмдэглэж, хамтран ажиллахаа илэрхийлэв.


Элчин сайд Ф.Мэрлин Монгол, Францын хамтын ажиллагааны төлөв, ойрын хугацаанд хэрэгжүүлэх төсөл, хөтөлбөр, тэдгээрийн явцын талаар мэдээлж, санал солилцов. Түүнчлэн "COVID-19" цар тахалтай тэмцэхэд хоёр талын болон олон улсын хамтын ажиллагаа, эв нэгдэл чухал болохыг талууд онцлов.

Холбоотой мэдээ