Мексикт өдөрт халдварын хамгийн олон тохиолдол бүртгэгдлээ

ДЭЛХИЙН МЭДЭЭ | ЭРҮҮЛ МЭНД
khulan@montsame.gov.mn
2020-06-11 11:19:19

МЕХИКО. /The Guardian/. Мексикт лхагва гарагт коронавирусний халдварын 4883 тохиолдол шинээр бүртгэгдсэнээр нийт халдвар авсан хүний тоо 129184-т хүрчээ. Тус улсад өдөрт халдварын хамгийн олон шинэ тохиолдол бүртгэгдэж буй нь энэ юм.


"Манай улсад сүүлийн 24 цагийн хугацаанд халдварын улмаас 708 хүн нас барснаар нийт 15357 хүн нас барлаа" гэж Мексикийн Эрүүл мэндийн яам өнөөдөр мэдээлжээ. Засгийн газрын мэдээлснээр, халдвар авсан хүмүүсийн бодит тоо албан ёсны үзүүлэлтээс өндөр байж болзошгүй ажээ.


Reuters” агентлагийн мэдээллээр, Латин Америкт халдварын улмаас нас барсан хүний тоо энэ сарын 10-ны байдлаар 70 мянга давжээ. Тус бүс нутгийн орнуудаас халдвар хамгийн их тархсан Бразилд 40 мянган хүн халдвараар нас барсан бөгөөд Мексик, Перу, Чили, Колумбид халдвар авсан хүний тоо нэмэгдсээр байна.


Дэлхийн эрүүл мэндийн байгууллага Латин Америкийг цар тахлын шинэ голомт болсныг мэдээлсэн бөгөөд тус орнуудад 1.45 сая хүн халдвар авч, 70792 хүн нас баржээ. 

Холбоотой мэдээ