Улаанбаатар
Солонгос хоорондын харилцаанд оролцохгүй байхыг уриалжээ
ДЭЛХИЙН МЭДЭЭ | УЛС ТӨР
ПЁНЬЯН. /TASS/. Солонгос хоорондын харилцаанд хөндлөнгөөс оролцохгүй байхыг БНАСАУ-ын Гадаад хэргийн яам АНУ-д уриалжээ.
“БНАСАУ, БНСУ-ын харилцаа нь дотоод асуудал бөгөөд зөвхөн манай ард түмнүүдэд хамаатай тул хэн ч хөндлөнгөөс оролцох эрхгүй” гэж Умард Солонгосын гадаад бодлогын байгууллагын мэдэгдэлд цохон тэмдэглэснийг Солонгосын төв цахилгаан мэдээний агентлаг /KCNA/ уламжилсан байна.
Тус агентлагийн мэдээлж буйгаар, БНСУ-тай хамтын ажиллагаагаа сэргээхийг БНАСАУ-д хандан уриалсан АНУ-ын Төрийн департаментын мэдэгдлийг Пёньян шүүмжилжээ.
Өмнөд Солонгосын олон нийтийн байгууллагууд Умард руу ухуулах хуудас илгээсний хариуд БНАСАУ БНСУ-тай бүх холбоогоо тасалж байгаа тухай KCNA агентлаг өмнө нь мэдээлсэн билээ.
Холбоотой мэдээ
ИБУИНХУ-тай бүхий л салбарт харилцан ашигтай хамтран ажиллахыг эрмэлзэж байгаагаа илэрхийллээ
17 цаг
ТАЗ-ийн гишүүнээр томилогдсон Ц.Амартөгс, Л.Золзаяа Б.Төгсцэнгэл нар үүрэгт ажлаа хүлээн авав
18 цаг
