Улаанбаатар
БНХАУ-ын сар судлах төхөөрөмж 448 орчим метр аялжээ
ДЭЛХИЙН МЭДЭЭ | ШИНЖЛЭХ УХААН
БЭЭЖИН. /Xinhua/. БНХАУ-ын “Yutu-2” буюу “Хаш
туулай-2” нэртэй сар судлах төхөөрөмж Сарны дэлхийгээс харагддаггүй тал дээр
шинжлэх ухааны судалгаа хийж, 447.68
метр аялсан гэж тус улсын Сар судлал, сансрын хөтөлбөрийн төвөөс мэдээллээ.
Уг байгууллагын
мэдээлснээр, “Chang'e-4”, “Yutu-2” 17 дахь өдрийн судалгаагаа дуусгаж, унтлагын горимдоо шилжжээ. Сарны нэг өдөр дэлхийн 14 хоногтой
тэнцдэг бөгөөд шөнө нь ч мөн ийм урттай үргэлжилдэг. Шөнийн цагаар Нарны эрчим хүчийг
цуглуулахад хүндрэл учирдаг тул төхөөрөмжүүд унтлагын горимдоо
шилждэг байна.
Анх гурван сарын
хугацаанд ажиллуулах зорилготойгоор бүтээсэн “Yutu-2” үүнээс урт хугацаагаар ажилласнаар Саран дээр
хамгийн удаан ажилласан төхөөрөмж болжээ. 2018 оны 12 дугаар сарын
8-нд хөөргөсөн “Chang'e-4” Сарны ар талын “Von Karman” тогоонд 2019 оны нэгдүгээр сарын 3-нд
газардсан юм.
“Yutu-2” Сарны ар талын гадаргуу доорх нууцыг
илрүүлж, Сарны талаарх хүн төрөлхтний мэдлэгийг зузаатгахад хувь нэмрээ оруулах
юм. Мөн БНХАУ Ангараг гаргийг судлах анхны төхөөрөмжөө энэ онд хөөргөхөөр
төлөвлөж байгаа ажээ.
