Улаанбаатар
Солонгосын дайны үед амь үрэгдсэн цэргүүдийн шарилыг хайх ажлыг үргэлжлүүлнэ
ДЭЛХИЙН МЭДЭЭ | УЛС ТӨР
СӨҮЛ. /TASS/. 1950-1953 оны Солонгосын дайны үед амь үрэгдсэн цэргүүдийн шарилыг эрж хайх ажиллагааг даваа гаргаас эхлэн сэргээнэ гэж БНСУ-ын Батлан хамгаалах яам мэдээлжээ.
“Өмнөд Солонгосын тал зайлшгүй шаардлагатай урьдчилан сэргийлэх арга хэмжээг дагаж мөрдөн амь үрэгдсэн цэргүүдийг эрэн хайх ажлыг хоёр Солонгосын хилийн цэрэггүй бүсэд үргэлжлүүлнэ” гэж мэдэгдэлд тэмдэглэсэн байна.
Хоёр Солонгосын эрх баригчид цэргийн салбарт хамтран ажиллах тухай гэрээнд 2018 оны 12 дугаар сарын 19-нд гарын үсэг зуржээ. Дайны жилүүдэд ширүүн тулалдаан болж байсан Хвасальмори өндөрлөгт амь үрэгдсэн цэргүүдийн шарилыг эрэн хайх ажиллагааг хамтран явуулна гэж уг гэрээнд тусгасан байна. Өнгөрсөн онд Өмнөд Солонгосын тал эрэн хайх ажлыг бие даан явуулжээ. Учир нь Умард Солонгосын тал гэрээг хамтран хэрэгжүүлэх хүсэлтэд хариу өгөөгүй байна. Умард Солонгосын эрх баригчид энэ онд ч мөн Сөүлийн холбогдох хүсэлтэд хариу өгөөгүй аж.
БНСУ-ын цэргүүд Хвасальмори өндөрлөгийн урд хэсгээс цэргүүдийн шарилыг хайхаас гадна, минаг илрүүлж, аюулгүй болгоно. Өнгөрсөн онд амь эрсэдсэн 261 цэргийн шарилыг олжээ.
