Замын-Үүдэд суух шинэ консулыг хүлээн авч уулзлаа
ОРОН НУТГИЙН МЭДЭЭ | ДОРНОГОВЬДорноговь /МОНЦАМЭ/. Монгол Улсын хамгийн том боомт Замын-Үүд сумын ИТХ-ын дарга Б.Анхбаяр, Засаг дарга Н.Алдарбаяр нар БНХАУ-аас Замын-Үүд суманд суух шинээр томилогдсон Ерөнхий консул Ли Яньжюнийг хүлээн авч уулзлаа.
Ерөнхий консулын бүсэд таван аймаг хамрагддаг бөгөөд Замын-Үүд сумтай аялал жуулчлал, боловсрол, эрүүл мэнд, хүмүүнлэгийн зэрэг бүхий л талаар хамтран ажилладаг аж.
Уулзалтын үеэр ноён Ли Яньжюнь орон нутгийн удирдлага, иргэдийн хамтын
ажиллагаа дэмжлэгт талархаж буйгаа илэрхийлээд цаашдын хамтын ажиллагааг өргөжүүлэн ажиллах болно гэдгээ илэрхийлсэн байна.