97 иргэн ажиглалтад байна
ОРОН НУТГИЙН МЭДЭЭ | ДАРХАН-УУЛДархан-Уул /МОНЦАМЭ/. Энэ сарын 19-ний өдрийн байдлаар Дархан-Уул аймагт Сэлэнгэ аймгийн Алтанбулаг боомтоор орж ирсэн 100 иргэнийг ажиглан тусгаарлаж байсан. Харин 03 дугаар сарын 20-ны өглөөний 08.30 минутад 14 хоногийн ажиглалтын хугацаа дууссан 3 иргэнийг аймгийн шуурхай штабын шийдвэрийн дагуу ажиглалтаас гаргасан аж.
Ингэснээр ажиглалтад 97 хүн үлдэж байна.
Тэдгээр иргэдийн биеийн байдал сайн байгаа талаар
аймгийн Эрүүл мэндийн газраас мэдээллээ. Ажиглалтын байранд нийт 5 эмч, 4 сувилагч, 4
үйлчлэгч, нэг
тогооч ажиллаж байна.
Тусгаарлах байрны хамгаалалтад Цагдаагийн газрын 6 алба хаагч, 3
автомашинтайгаар 24 цагаар үүрэг гүйцэтгэж байгаа аж.