Ирак дахь АНУ-ын хэд хэдэн байгууламжид пуужингийн цохилт өгчээ
ДЭЛХИЙН МЭДЭЭ | УЛС ТӨРНЬЮ-ЙОРК. /TASS/. Ирак дахь АНУ-ын цэргийн хэд хэдэн байгууламжууд Ираны
нутаг дэвсгэрээс харвасан баллистик пуужингийн цохилтод өртжээ. Энэ тухай
АНУ-ын Засаг захиргааны эх сурвалжийг иш татан “ABC” телевиз мэдээлсэн байна.
Эх сурвалжуудын мэдээлснээр, Иракийн
хойд нутаг дахь Эрбиль хот орчмын Америкийн байгууламж болон баруун
нутгийн Айн аль-Асад агаарын бааз пуужингийн цохилтод өртсөн байна.
Ирак баруун нутгийн Айн аль-Асад агаарын цэргийн баазад 9 пуужингийн цохилт
өгсөн тухай өмнө нь “Sky News Arabia” телевиз мэдээлсэн байна.
“Press TV” телевизийн мэдээлснээр, “Кудс” тусгай анги нэгтгэлийн дарга,
генерал Касим Сулейманийн амийг хөнөөсний хариуд Айн аль-Асад агаарын баазад
пуужингийн цохилт өгсөн хэмээн Лалын хувьсгалыг хамгаалах корпус мэдэгдсэн аж.