Олон улсын монгол судлалын Азийн гуравдугаар хурал эхлэв
МОНГОЛЫН МЭДЭЭ | СОЁЛ УРЛАГУлаанбаатар /МОНЦАМЭ/. Олон Улсын Монгол судлалын холбооны Азийн гуравдугаар хурал Солонгосын Үндэсний музейд өнөөдөр эхэлж байна.
Хоёр өдөр болох энэ хуралд дэлхийн 10 гаруй орны 69 судлаач илтгэл хэлэлцүүлэх юм. Хурлыг ОУМСХ-ны Ерөнхий нарийн бичгийн дарга академич С.Чулуун нээж, Монгол Улсын Ерөнхийлөгчийн баяр хүргэсэн илгээлтийг ГХЯ-ны Гадаад сурталчилгаа, соёлын харилцааны газрын захирал Х.Мандахцэцэг танилцуулав. ШУА-ийн Ерөнхийлөгч академич Д.Рэгдэл мөн баяр хүргэж үг хэллээ. Хурал үргэлжилж байна.